Flames (海濱匯)

是日一行7人經openrice訂位，好正有主菜買一送一，所以真係好抵食。呢間餐廳既位置比較偏僻，最近既地鐵站係牛頭角，行過去都要8-10分鐘，不過易搵既，近住海濱公園，宏利附近，入到去係商廈，商場既樓層好多鋪都未開或者關左門，都幾靜下，得呢間餐廳最旺。雖然平日黎，但係去到都滿座，但因為book左位，完全唔洗等直接入得，所以一定要book位。間餐廳近海，加上半開放設計，感覺好開揚，有吧枱，係半酒吧同餐廳甘。

一黎睇完餐牌，因為主菜買一送一，所以叫左6個main，包括蟹肉香草蕃茄汁扁意粉，香草蕃茄汁燴牛面肉扁意粉，燒大蝦配香草蕃茄汁扁意粉，1/2葡式香辣燒雞，燒肉眼牛扒配大蝦薯條同香煎魚柳配燒蔬菜。本來想叫鵝肝蛋撻，點知7點半左右已經賣哂洋蔥圈同鵝肝蛋撻。

先講果蟹肉香草蕃茄汁扁意粉，又唔係食到好大陣蟹肉味，但果汁唔錯，不過我嫌濕左啲，少返啲汁或者再creamy 啲會好啲。

1

蟹肉香草蕃茄汁扁意粉

$138

呢個香草蕃茄汁燴牛面肉扁意粉超好食，因為果牛超入味同好淋，不過呢個果汁同另一個燒大蝦配香草蕃茄汁扁意粉果汁一模一樣，但果牛真係好特別，好似有孜然既味道，果香草味好特別。

香草蕃茄汁燴牛面肉扁意粉

$128

呢個燒大蝦配香草蕃茄汁扁意粉，因為純粹果topping唔同左，果粉實在太似冇咩特別。

燒大蝦配香草蕃茄汁扁意粉

$148

香煎魚柳配燒蔬菜，果汁幾creamy，果魚幾好食，冇骨食起黎超方便，好中意side dish啲燒蔬菜，好香口又燒得岩岩好，果燒薯仔真係好好食。

香煎魚柳配燒蔬菜

$188

燒肉眼牛扒配大蝦薯條，果扒叫左medium，燒得岩岩好，食落好juicy，又唔會鞋口，果肉質好唔錯，果大蝦同扁意粉果蝦一樣，啲蝦肉好結實。薯條真要讚，佢係薯仔削落去整薯條，所以好似食緊薯角甘，炸得又夠脆夠熱，擺左陣凍左啲食都仲係好脆。

燒肉眼牛扒配大蝦薯條

$238

呢個1/2葡式香辣燒雞好好食，啲雞燒得岩岩好，仲好嫩又多汁，而且夠哂入味，點雞果醬好特別，同果雞勁夾，好食。

1/2葡式香辣燒雞

$148

整體黎講，呢到食物高質，環境舒服，同埋而家主菜5折，真係好抵食，7個人食都係6百幾蚊近7百。呢到服務都好好，啲店員好快手，又好有禮貌，真係好想趁佢仲有折再黎食。