Read full review
2018-08-19
1384 views
經過一週辛勞工作終於放假啦,為咗獎勵自己,朝早瞓到自然醒,hea到兩三點,再同閨蜜嘆個浜燒late lunch。一大早唔想飲酒住,炎炎夏日嚟兩杯清涼飲品。【白桃疏打】桃味濃郁,梳打有氣飲落好爽。【青蘋果颱風乳酸】有真青蘋果肉食,撈埋薄荷葉更加涼透心。【蟹籽蟹肉薯仔沙律】先嚟沙律熱吓身。新鮮生菜同蕃茄上面係薯蓉,薯蓉入面有蟹肉,食起嚟冇咁寡。【刺身三盛+三文魚腩】三盛有三文魚、油甘魚同帶子,我哋再加客三文魚腩。三文魚雖然冇魚腩咁肥美但魚味足夠;魚腩就更軟滑帶點油脂香👍🏻。帶子軟綿帶點膠質,味鮮。【銀鱈魚西京燒】銀鱈魚西京燒即係白味噌醃出嚟嘅銀鱈魚。燒到金黃色,味道甘甜,魚肉本身亦相當嫩滑多汁,非常可口。【蟹味噌甲羅燒】蟹殻入面滿滿蟹羔,仲有蟹肉、香蔥、蟹籽,放上燒爐後倒入鵪𪂹蛋,撈起;已經聞到好香嘅蟹羔味。落咗鵪𪂹蛋好香滑,啖啖蟹羔,蟹迷之福。【北海道海鮮炒飯】一上枱噴緊煙仲香噴噴,係啱啱炒好嘅飯。材料都唔少,有青口肉、魷魚、蟹籽、蛋。落咗少少黑椒 炒好香口,仲好有鑊氣添。【焱丸活貝大盛】主角們嚟喇,活貝大盛有蠔、帶子、鮑魚同蜆,上枱時隻鮑魚仲郁緊,果然係「活」貝。帶子可以用巨型嚟形容,
一大早唔想飲酒住,炎炎夏日嚟兩杯清涼飲品。【白桃疏打】桃味濃郁,梳打有氣飲落好爽。【青蘋果颱風乳酸】有真青蘋果肉食,撈埋薄荷葉更加涼透心。
【蟹籽蟹肉薯仔沙律】先嚟沙律熱吓身。新鮮生菜同蕃茄上面係薯蓉,薯蓉入面有蟹肉,食起嚟冇咁寡。
【刺身三盛+三文魚腩】三盛有三文魚、油甘魚同帶子,我哋再加客三文魚腩。三文魚雖然冇魚腩咁肥美但魚味足夠;魚腩就更軟滑帶點油脂香👍🏻。帶子軟綿帶點膠質,味鮮。
【銀鱈魚西京燒】銀鱈魚西京燒即係白味噌醃出嚟嘅銀鱈魚。燒到金黃色,味道甘甜,魚肉本身亦相當嫩滑多汁,非常可口。
【蟹味噌甲羅燒】
蟹殻入面滿滿蟹羔,仲有蟹肉、香蔥、蟹籽,放上燒爐後倒入鵪𪂹蛋,撈起;已經聞到好香嘅蟹羔味。落咗鵪𪂹蛋好香滑,啖啖蟹羔,蟹迷之福。
【北海道海鮮炒飯】
一上枱噴緊煙仲香噴噴,係啱啱炒好嘅飯。材料都唔少,有青口肉、魷魚、蟹籽、蛋。落咗少少黑椒 炒好香口,仲好有鑊氣添。
【焱丸活貝大盛】主角們嚟喇,活貝大盛有蠔、帶子、鮑魚同蜆,上枱時隻鮑魚仲郁緊,果然係「活」貝。帶子可以用巨型嚟形容,有大半隻手掌咁大,燒完仲保持到味道鮮甜;鮑魚好爽彈,有少少香烤味,夠香口;蠔亦都水潤鮮美,蜆又係大大粒,仲好juicy。 雖然唔係身處海邊,但食完新鮮海鮮,加上餐廳裝潢好似日劇經常出現嘅「海之家」一樣,感覺都好夏日,心情舒暢。
Post