蝦蝦燒 (Closed)

我真係好鍾意食燒海鮮，呢間「蝦蝦燒」個場夠晒大，有好多新鮮海鮮，包括帶子，扇貝，鮮魚，貝類，鮑魚…重點係有即夾即燒嘅流水蝦，全部生生猛猛～鮑魚好厚肉，帶子好鮮甜，魷魚爽口鮮味，一啲都唔韌，蜆肉都好飽滿，生蠔好肥美，燒三文魚鰭好香魚油味，蝦肉好結實，仲有好多蝦膏好香濃～除咗海鮮，其他肉類同蔬菜類都好正。蒜蓉牛油多士最快食得，好香脆。翠玉瓜好爽脆，南瓜好香甜，燒魷魚乾好濃海水鹹香，燒雞翼好香脆惹味，燒鮮蝦腐皮卷外脆內軟，味道香甜，口感彈牙。職員服務都好殷勤，會幫手開鮑魚殼，經常幫手清理垃圾同枱面。