Iron Cow Taiwanese Beef Noodles (Argyle Centre Phase I)

講起台灣料理，自然會諗起荔枝角/長沙灣工業大廈嘅程班長，或者西營盤嘅阿元來了，因為兩者連台灣群組嘅人都會介紹俾初到貴境嘅台灣同胞，證明佢哋實在有一定嘅地道風味。

今日有事去旺角，五點幾諗住不如趁下午茶時段來個 early dinner。啟動 openrice app 嘅找附近餐廳搜索，一直轆落去幾版都未決定到去邊間。

故事一跳，去咗附近一間叫鐵牛嘅台式料理，35蚊起。店外寫住下午茶餐去到 5:30，還有10分鐘，即刻入座。

入面竟然冇乜人，揀咗角落嘅梳化卡位，舒服。

畫紙叫餐，每個餐分 A，B，C 三部分，A 為主食，B 為小食可選三款，C 為飲品。

留意小食（B）其實可以揀3款

快速填完後順利於 5:30 前交俾收銀兼付款。

飲品同食物都上得好快。

先上飲品：幾好。

因為都屬於基本飲品，冇乜特別，份量充足

食物陸續上來：

滷肉雖然只係一小匙，但搭配小食絕對對得起個價錢，份量亦足夠。

肉燥雖少，但麵質搭救，而且小食味道好好，份量亦夠，加起來絕對對得住呢個價錢。

滷肉雖然只係一小匙，但搭配小食絕對對得起個價錢，份量亦足夠。而家夜晚11：49寫緊食評，仲飽緊。不過利申我食量算少而且消化得比常人慢。

小食用心設計，值得一試，或兩三四試，讚。

其實 d 食物上枱時侯發覺原來之前喺尖沙咀食過另一間分店，當時嘅印象都幾好，不過一直遺忘咗，今次好有故友重逢嘅感覺。而且呢間人少坐得更舒服。

今次食評共 500 字，如果計 5 毫子一字都有 250 稿費，可惜冇，不過開心。