📍尖沙咀赫德道25號尊豪坊1樓
Jan Jan 係我第一次接觸串揚嘅餐廳，已經第二次回訪，依然覺得質素高！今次見到有日本客人，連日本人都會幫襯，感覺上更有保證！
我哋Order咗串燒，串揚同埋茶漬飯，兩個人份量其實都已經好飽！
🍡串燒：
🔅柚子豚肉：豚肉肉質軟腍，肥瘦適中
🔅芝士蕃茄雞肉：芝士表面嘅綠色係羅勒青醬，再加埋蕃茄食落幾清新
🍢串揚：
🔅紅薯：紅薯本身甜度好高好好味
🔅洋蔥：配合串揚醬汁一齊食，辣辣地都幾刺激。日本洋蔥甜度比本地嘅高，爽脆得來又唔會有攻鼻嘅辛辣感！
🔅半熟煮玉子 ：外表香脆，蛋黃依然做到流心效果！加鹽巴一齊食，可以增加層次感。記得趁熱食！
🔅天使蝦 ：香脆通透，連蝦殼都可以食埋！加少少檸檬汁中和油膩感！必食推介！
🍚🔅三文魚茶漬飯：有驚喜！飯底半身煙靭有口感，再加上個湯底本身都味帶香甜嘅魚味，我自己就好鍾意！
