川滿居 (京都廣場)

冇胃口嘅時候，食酸菜魚係最好，今次行過呢條街，見到呢間感覺好似唔錯，加上指定日子又有折，雖然係指定食物先有折，不過唔緊要啦，最緊要係好好食呀！叫咗小辣比起其他餐廳食嘅酸菜魚冇咁辣，所以好辣嘅人應該要叫中辣，個酸菜魚裏面有啲薯粉，有好多菇，啲魚都唔少，所以$188加上有折，真係好抵食！另外仲叫咗個肥腸，瘦既肥腸，出到嚟係脆嘅，好好食，又唔會覺得好肥。環境又舒服，服務唔錯。有機會會再嚟試其他嘢，想試吓水煮魚係咪一樣咁出色。