A Happy Pancake (K11 Musea)

而家越來越少人排隊啦，未食過嘅朋友可以食下，我見最多人嗰陣時都係等 40 分鐘，我好好彩等左四五個字就有得食。而家我喺日本食過，淨係食過原味，所以今次試下佢其他口味吧。

奶茶  pancake

$98

奶茶味 pancake 好好食，同日本一樣，pancake 做到好香蛋味，好鬆軟，我鍾意佢嘅原因係因為佢啲 pancakes 唔算好甜，如果想要甜啲就自己點啲奶茶汁，上面啲穀物好脆好香，奶茶汁似 earl grey 味，好正。

Tiramisu  pancake 

$108

Tiramisu pancake 既 pancakes 一樣都係高水準，只不過我個人鍾意奶茶味香啲，呢個就甜甜控會鍾意多啲。佢啲cream亦都打得好幼滑。

芝士蘑菇omelette  pancake

$98

聽人食左咁耐happy pancake，都冇聽過人哋食鹹嗰隻，等我去試試佢先。本來覺得一定好唔掂，因為明明係甜品嚟㗎嘛，點樣可以襯落去芝士蘑菇度呢？點知，原來鹹 pancakes 係可以繼續無哂甜品既感覺，keep 住個蛋香，仲要加左啲好有咬口既穀物粒，好正！芝士蘑菇就普通啦，不過不失。

總括嚟講，如果條隊唔係太長嘅話我覺得都可以排一排黎食下！