餐廳好企理，每一個位置都可以見到廚師製作食物的過程。店員服務周到有禮。睇下餐牌好多選擇，樣樣都好吸引，樣樣都想試吓，於是我們嗌咗兩個拼盤。兩個拼盤有齊我想食嘅壽司，見到就開心。每一件壽司都是現場製作。
壽司拼盤 HK$188
包括：三文魚、三文魚子、拖羅、海膽、甜蝦、池魚、鯛魚、油甘魚、帆立貝
拖落好肥美，入口即化。三文魚子一咬落去，直情係爆汁。我最鍾意食蝦，甜蝦比出邊嘅大隻，食落鮮甜有口感。
特上壽司拼盤HK$258
包括：拖羅、牡丹蝦、赤貝、銀雪魚、深海池魚、海膽、白身魚、鯖魚、金日鯛、三文魚子。
特別要讚嘅係海膽，好新鮮好甜。每一件魚都切得好厚身，食落肥美鮮甜。飯粒粒分明，軟硬適中，為每件壽司加分不少。
係呢區可以有咁嘅質素嘅餐廳都好驚喜。
