Video
Read full review
2025-05-25
1639 views
每個月都會習慣食一次素，最近就去咗灣仔呢間素食私房菜食Dinner。成個地方幾特別，唔係一般餐廳嗰種感覺，反而好似去咗朋友屋企作客咁，環境舒服帶點溫馨。雖然唔係初一十五，但都多人。第一道餸係「脆藕小卷干色拼盤」，涼拌粉皮開胃爽口。之後嘅「金湯福祿袋」係用瓜同菇菌做餡，微甜清香。個人最鍾意嘅係「四季心花放」，表面炸得脆卜卜，配埋柚子蜜嘅酸甜味，入面有南瓜同花香味，好特別。「芝士焗小啡菇」用咗牛油果、芝士調味，食落唔知點解有浸吞拿魚味。「甘竹銀絲卷」裡面粉絲配紅蘿蔔同黑木耳，清新又帶少少鹹香。「冬瓜清補養生湯」清甜滋潤，而「百寶生菜包」就餡料豐富。主菜部分，「椰香咖喱素雜錦」用黃油法包同飯嚟配，雜錦入面有素丸同椰菜花，薯仔，椰香突出，好香滑。「乳香鮮竹翠柳」就係絲瓜配腐竹，呢道菜好家常清新。甜品係「香芒西米凍」，芒果香甜，配埋西米，低甜解膩。仲加埋一碗「鮮磨合桃露」，核桃香濃滑溜，比好多專業甜品鋪出色。
每個月都會習慣食一次素，最近就去咗灣仔呢間素食私房菜食Dinner。成個地方幾特別，唔係一般餐廳嗰種感覺，反而好似去咗朋友屋企作客咁，環境舒服帶點溫馨。雖然唔係初一十五，但都多人。
第一道餸係「脆藕小卷干色拼盤」，涼拌粉皮開胃爽口。之後嘅「金湯福祿袋」係用瓜同菇菌做餡，微甜清香。個人最鍾意嘅係「四季心花放」，表面炸得脆卜卜，配埋柚子蜜嘅酸甜味，入面有南瓜同花香味，好特別。
「芝士焗小啡菇」用咗牛油果、芝士調味，食落唔知點解有浸吞拿魚味。「甘竹銀絲卷」裡面粉絲配紅蘿蔔同黑木耳，清新又帶少少鹹香。「冬瓜清補養生湯」清甜滋潤，而「百寶生菜包」就餡料豐富。
主菜部分，「椰香咖喱素雜錦」用黃油法包同飯嚟配，雜錦入面有素丸同椰菜花，薯仔，椰香突出，好香滑。「乳香鮮竹翠柳」就係絲瓜配腐竹，呢道菜好家常清新。
甜品係「香芒西米凍」，芒果香甜，配埋西米，低甜解膩。仲加埋一碗「鮮磨合桃露」，核桃香濃滑溜，比好多專業甜品鋪出色。
Post
