今日黎到運頭街嘅拉麵鋪
叫咗辛辣 硬麵多蔥
叉燒 厚薄適中 啲荀唔會有咋 蛋亦係完美嘅煻心蛋
冇諗過一間大埔嘅平民小店會咁出色
講返個湯底 佢同平時食開嘅辛辣唔同
佢唔會有一層好厚嘅油 另外個湯嘅亦比較水 但唔係稀!
你食完唔會好覺得好油膩 香而不膩
而個麵底係正宗博多拉麵嘅細麵 我揀咗硬 食到咁上下麵浸住都會過軟!
再加埋佢個辣芽菜同啲麵一齊食 個口感層次
另外再叫咗個雞軟骨
個炸物真係好出色!! 香脆可口
外表炸漿唔會太厚 食落好juicy 一啲都唔乾 非常有口感!
亦唔會太咸
隻沙律醬係BB牌個隻沙律醬!!
襯炸物 一流
