慢煮極上日本豚(並盛)配蒜片珍珠白米飯
女仔叫並盛，份量都幾足!上枱已經覺得好吸引，豚肉片經慢煮後，肉質細膩，咬落去好軟嫩。我仲加左個即食級既生蛋黃，配埋飯整體口感更滑順。呢個飯我簡左配沙嗲汁，好濃郁。蒜片提升左層次! 口感酥脆，食落更加香，可以增添料理層次。配上佢地自家製既鮮奶油，令到雖然係飯底，但唔會乾!
慢煮熟成美國優質牛肉 配 拉絲芝士蕃茄醬意粉
牛肉外邊少少焦香，內裡肉質嫩，咬落去仲有肉汁的，牛肉香氣濃郁。芝士份量比得一D都唔手軟，配埋意粉咸咸香香! 紅酒照燒汁配牛肉好夾~
日式炸雞外皮薄又酥脆，雞肉都幾juicy，我都好鐘意佢個醬，辣辣地好開胃!
