呢排個個都唔願出街食飯，所以我地只係等左一陣就有位啦！一入餐廳，好濃郁嘅牛味，未食已經覺得正。睇睇餐牌，果然非常親民，我同朋友揀左3個餐 - 《牛橫隔膜腹肉》+《牛側腹扒》+《日本A5和牛腹》，今次一定非常滿足！🤤
我地仲加左30蚊要埋薯條+飯+可樂+沙津！✌
首先嚟左前菜，薯條係粗薯條，啱啱炸起，熱辣辣，正！👍
沙津就加左煙肉，好有咬口，仲有配左好多沙津醬！
主角到啦！大大塊牛扒放喺熱辣辣嘅石板度，廚師會預先將牛扒嘅表面煎封，鎖住肉汁，客人可以根據自己嘅喜好，喺石板度繼續煎到自己想要嘅生熟度。
牛橫隔膜腹雖然牛味唔係太重，但入口好嫩，仲好甜，好juicy，而牛側腹就重牛味，各有各好食。
佢地仲可以去自助bar攞岩鹽嚟點，或者點紅酒牛肉汁＆阿根廷青醬，我自己就鍾意紅酒牛肉汁，青醬真係太草青味，我自己本身麻麻！😌
個飯亦好特別，表面有紫菜同芝麻，非常香。
最後就係日本A5和牛腹，超嫩滑，只要點少少岩鹽就已經好出色，真係入口即溶，雖然好飽，但真係忍唔住要食晒佢呀！
今餐真係好滿足呀！以呢個價錢食到咁高質嘅牛，真係好難得，遲啲我一定會再嚟㗎！😎
