一人一ROUND可以叫兩個甜品，
不過甜品上得慢，所以只試了幾款
陽光小子(芒果棉花冰)
黎到有小小嚇親，好多汁係碟邊，整得好求其既感覺
紅豆大粒粒好好味，芒果新鮮，小丸子夠煙韌，
但雪花冰正常應該係分明既一層一層，所以入口似食雪糕多D
傾城之戀(朱古力雪糕,朱古力布甸,香蕉)
雪糕冇問題，朱古力布甸一點都不濃郁，完全唔得
上台時更見到雪糕壓裂了布甸，咁都得
???
日本紅豆豆腐花
紅豆依然美味，但豆腐花係完全唔滑嫁
多芒果布甸
終於食到樣好味既，芒果布甸香甜濃郁，芒果又新鮮，好感動
宇治金時 特飲
係杯淡味既綠茶甜水，完全中伏
我地BOOK既時段:8:00~9:30，到9:29我地預備離去，
一個肥同短頭髮既店員問我地甜品黎齊未，
其實好多都冇黎到，不過夠鐘，所以同佢講由佢啦咁
佢跟住同我地講食剩野要收番我地二十蚊，
呆左，全場靜左，其實我地食剩好小好小野，
跟住廚房呀姐叫出黎話由佢(我估佢記得真係好多野冇黎到)
個店員反眼，仲"接"我地
嘩!! 請問呢D係咩服務態度黎
???
廚房呀姐再一次叫出黎話由佢，店員黑面唔講野，
氣氛好彊，我地頂住條氣走左
貼錢買難受咁，呢間野以後一定唔會再幫襯
其實團購都係想多D人試下自己既產品，有小小推廣作用咁
你又何必倒米
?????
