榮哥廚房私房菜

Open Now

Now Closed

睇見FB咁多好評加上朋友想食清淡啲，所以揀咗呢度，未黎之前真係滿心期待，先講所有小食，都算可以，而蒸蛋都唔錯，但之後的就開始越食越失望，個湯完全飲唔到陳皮香味，好一般，黑松露龍躉炒蘆筍，好鹹而且幾油，陳皮黑豚肉排骨，咬落去啖啖油同肥膏，味道只能用特別來形容，鵝肝菌蒸雞，又係偏油同鹹。分量都OK，食到個飯都已經飽到食唔落。不過真係要講甜品係超級令人失望，因為一般私房菜會期待食一啲比較特別嘅嘢，但佢哋只係俾雪糕球作甜品，感覺好冇誠意。埋單計埋加一大概千六，以呢個價錢，覺得係太值總之唔會有下次，真心唔明點解有咁多好評，唯一一樣優點，就係冇時限。