金滿庭京川滬菜館 (奧海城2期)

Open Now

Now Closed

10年前食過，印象唔差，所以再來一次，但似乎冇進步，之前食過好幾間新品牌都出色過佢。叫咗四種食物。 1）小籠包～肉汁偏淡，肉碎粉粉梅梅嘅質感，水準一般。2）子薑水晶肴肉～4種食物呢一款最好味，子薑偏甜帶點酸，可以全部食晒，唔會話食兩三塊就酸到唔想食，肴肉都夠味，鹹度適中。3）雞絲粉皮～味道偏淡，粉皮較乾身，食落去只感覺到花生醬味，雞肉毫無味道。4）酸辣湯麵～足料嘅，仲有竹笙絲，但味道差一點點🤏，鹹味夠，酸辣味可多D，自己加左啲醋調味，唔算好差。我哋坐卡位，位置舒服，但牆身有點污糟，有待改善。