Wing Kee Restaurant

最近好興食沙嗲牛肉麵😹沙嗲牛係茶餐廳嘅產物，基本上大部分茶記/冰室都會有，而架更加係年輕人茶記必食之一～而慈雲山呢間茶記出名食煲仔飯，亦都幾有諗頭，「發明」咗沙嗲煲仔麵😹成功吸引到一班年輕人去試～

而我今次咁啱行山經過慈雲山，朋友話想試下😹所以黎朝聖～佢餐牌係寫得幾吸引，沙嗲中嘅espresso🍜價錢亦比其他茶記貴一倍，如果真係想黎打卡，一次半次ok嘅，值唔值就睇你覺得呢張相👇🏻值唔值啦～😆😆😆

1

沙嗲牛肉煲仔麵

$68

👆🏻佢地係用新鮮嘅牛肉🐮，所以食落唔會乾/鞋👍🏻，同埋都算嫩滑，而牛肉份量比出面茶記多啲啲～麵就有得揀出前一丁/米粉/粉絲，當然一丁係最夾同相對抵啲啦😹

而沙嗲醬真係值得讚嘅👍🏻醬汁比較杰身但唔會漿住個口，有濃郁嘅花生香味，亦都有少少花生碎粒～呢個醬汁撈麵撈飯係無得彈嘅～

不過，我嗰煲一丁就比較硬，有少少係脆嘅😹雖然一丁係爽口先好食，但如果唔脆就會好啲，因為食到最尾嗰幾啖都係脆(浸到最尾都唔淋😹)，唔知係咁啱我嗰煲係咁定煲煲都係，不過我朋友嗰煲就無脆麵嘅😹