本八婆油份高怕熱唔想四圍行去搵食一直都冇理到。
最近發現原來間嘢都就腳（其實做乜事開8點咁早賣早餐
）又早開就去望下。第一次見到外國伯伯同嬸嬸晨早去食豆腐花同碗仔翅
牛小排唔係話想食就有得食，老細只供應高級食材，唔夠級數佢唔賣㗎。想試就要睇彩數啦。
串燒類全部穩陣嘢，老細要求高一定要燒靚靚。個人推介燒豬頸肉同腐皮角。
至於魚蛋燒賣腸粉，老老豆豆，食慣屋邨舊墟老字號，覺得魚蛋同燒賣貨係靚貨，魚蛋鮮味爽口，魚肉燒賣係不規則形狀嘅索豉賣。唯獨是個豉油敗咗個筆，唔夠濃又唔香，反而個咖喱汁可以諗諗，有啲火花。
腸粉直頭唔係好想講。太幼啦未食過咁幼嘅腸粉… 豉油同麻醬都要搞搞佢啊老細，我未試過食唔晒一份腸粉
嘢飲同豆花都堅。話晒夏天，再凍啲就好。自家酸梅湯
必試！
又係靚嘢足料嘅酸梅湯呀
（點解冇得响食評post video㗎
）
