鮨善 (Closed)

星期六繼續搵新嘢食。想响每區搵啲平靚正嘅海膽吞拿魚葱飯。但唔知做乜最後改變主意叫咗魚生飯。個飯有6款魚生：三文魚有啲腥、油甘魚過造唔夠肥係必然但亦唔夠爽鮮、甜蝦都幾甜但都係唔彈、帶子軟腍質感甜度一般、三文魚子外皮有啲韌醃漬得略甜、海膽溶咗啲但味道濃郁幾甜。麵豉湯味道幾好，而且滾燙。最好係個乳酪味雪糕，帶黏性似意大利雪糕gelato。見到隔離枱叫咗海膽葱吞拿魚，粉紅色好似好肥美咁。可能今次叫錯嘢，下次有機會先試過。