Chatterbox Express (Closed)

平日放工，約咗朋友去太古附近買嘢，朋友想食新加坡嘢，於是揀咗 “ Chatterbox Express”餐廳佈置雖然走快餐店路線，但整體環境乾淨，坐得亦舒適。有多款晚巿套餐可以選擇外，仲有幾款精選套餐添仲有一頁飲品，真係花多眼亂今次仲送咗張$50 coupon可以下次食，真係好抵1. Set Dinner 文華海南雞飯($112) +$16 有特飲，涼粉豆漿，少甜度啱啱好。海南雞份糧多，雞肉已去骨啖啖肉好正，雞肉好滑唔會大肥，配合三款醬汁，確有酒店水準而收大眾化嘅價錢。例湯內有片豆腐，好滑㗎2. Set Dinner 炸豬扒喇沙($122)，炸豬扒超級大塊，外脆內熱。喇沙湯底香濃，仲有蛋同豆卜做配菜，包埋杯蘋果茶，不用加錢，十分抵食3. 套餐加小食雞肉串燒$58，比單叫平$10，又一抵食之選整體來講，食物有酒店級水準而價錢走平民化路線，值得一試再試