水煮系列有4款：水煮味、酸菜味、鮮椒味、番茄味
最鍾意食酸菜魚，佢嘅份量都好大，兩個人食都食唔哂。湯底酸酸微微，好開胃好好食。另外魚都有幾款揀，今次就試下食黑魚 $228，聽店員講係肉比較多，肉質彈口啲嘅。食落都真係咁，不過之前食開多油脂啲嘅，相比下黑魚冇咁肥，但冇咁滑，同埋每片魚肉都有魚皮，而我唔太鍾意有魚皮，雖然都係好食嘅，但有少少失望。
佢可以另加輔菜，我地就加左肥牛肉 $68，咁樣配都好好食。
✿ 紅燒牛腩炆津白 $88
呢個好食！啲牛腩炆到好入味，好軟淋淋，啲麻辣味都調得啱啱好！
✿ 冰雪鮮檸C飲 $38
飲品都係一大壺咁，好抵飲，飲落就係青檸檬茶，正常，幾清新
✿ 蜜語水果茶 $38
飲落就係雜果賓治咁，入面有兩大片西瓜同埋火龍果，呢款幾好飲。
坐得好舒服，唔洗同其他人迫，環境都乾淨同埋裝飾都唔錯，而且個濕紙巾嘅設計真係好特別，好易令人誤會哈哈
