午市套餐（$139）有前菜、主菜、甜品/咖啡，另可加錢（+$10）要配菜，另收加一服務費。
前菜：奶油卡宴焗蝦配香蒜包
醬汁好味，味道有啲似帶辣味嘅濃版蘑菇湯，點香蒜包食非常夾，三隻蝦都大隻，有彈性兼且有蝦味，好食。
前菜：牛油果沙律
牛油果軟熟，沙律菜爽脆，洒係面嘅黑胡椒亦香。
主菜：南非烤雞肉串
即燒，雞肉外層微微焦香，內裡仍軟嫩。調味醬汁十分惹味，有孜然、紅甜椒、霹靂椒、乳酪，微酸少辣。配菜沙律菜正常。
主菜：香煎鱸魚柳
即煎，煎得好靚，係用牛油慢慢煎香，魚柳表面微微焦香，所以少少脆，魚肉肉質紮實，有魚味。配菜青豆同樣用牛油煮，無好重嘅草青味。
配菜：黃薑飯
份量唔算多，過口癮還可以，味道亦普通。
甜品：南非傳統焦糖布丁
蛋糕中間有杏桃醬，表面淋上吉士椰棗醬，口感鬆軟濕潤，味道不錯。
咖啡：Americano
正常普通的即磨咖啡。
