沙律走小清新的路線，用上煙三文魚配搭沙律菜，伴碟有黑魚籽、番茄、龍珠果作點綴，賣相精緻，多樣口感。
主食的海鮮，帶子又大粒又厚身，煎香左兩面保留了海鮮鮮味，入口依然清甜多汁。鮑魚配上大量蒜茸、十分惹味。
鐵板燒肉類推薦日本宮城豚肉！肉質細嫩且多汁，肥瘦適中，吃完也不膩口。配上秘製菠蘿辣菜汁，有特色！
最後送上的炒飯值得一讚，炒得粒粒分明，絕對唔馬虎。甜品柚子雪糕酸酸甜甜，食完咁豐盛嘅一餐，即刻覺得有解膩作用。
係主餐牌上見到有我最愛的香煎鵝肝多士，鵝肝多士配菠蘿汁，配搭新穎，層次豐富, 菠蘿汁的酸甜正好中和了鵝肝的油膩。
