添記法式三文治

Open Now

Now Closed

鍾意食越南法包既人一定有聽過呢間添記，佢開左幾十年，每一個法包都由老闆一手一腳做，冇花巧既野，食到最傳統正宗既越南風味～店鋪只係賣三樣野，大法包、小法包、蒜蓉包，另外都可以預先電話落單，黎到就可以即刻攞。 1️⃣小法包（$44） 法包會即時焗幾分鐘，再將餡料放入去，所以落左單之後都要等一陣。攞上手法包比我想像中大份，本身以為小法包係再細啲，但係佢都幾大份，大過我手掌有多😳食完之後都好好夠飽。入面餡料有鹹豬手、腩肉、酸蘿蔔、豬肝醬，仲有如果食得辣既話可以叫老闆加埋辣椒。本身覺得偏貴，但係攞上手之後就覺得係值既。除左餡料好多之外，佢既法包好脆😍食落係真係咔咔聲、會掉屑既脆度。