咁啱見到佢做緊Ian嘅應援，有幅巨型生日🎂打卡牆，Hellosss必定要去撐場。😎
餐廳食物款式都幾多選擇，
提供海鮮、意粉、意大利飯、pizza🍕、西班牙乳豬、牛扒🥩等，
我地叫左個二人餐，$688包：
🔸是日餐湯或沙律
🔹自選前菜一份
🔸自選主菜兩份
🔹是日甜品兩份
🔸餐飲兩杯
價錢都算合理。
是日餐湯為紅菜頭忌廉湯，高纖健康，
配上自家製蒜蓉包。
⭐️推薦❗脆炸魷魚柚子雜菜沙律🥗
魷魚鬚新鮮炸起熱辣辣🔥，
雜菜沙律配上新鮮柚子，好醒胃！😌
羅勒青醬野菌粗管意粉
粗管意粉煮得剛好，軟硬適中，
青醬濃稠，羅勒🌿味香，
粗管粉好掛汁，啖啖香濃～
加上松子嘅點綴，口感更豐富！
⭐️推薦❗炭燒法式豬鞍架伴紅桑子汁
豬鞍架喺上碟嘅時候已經切好咗，方便食用。☺️
豬鞍扒超厚身，有成3cm厚，
外皮煎得微脆，肉質鮮嫩多汁，
旁邊配上紅桑子汁，酸酸甜甜，一啲都唔覺膩！
是日甜品為🍵抹茶芝士餅或士多啤梨🍓雪糕
抹茶芝士餅茶味香濃，雪糕就正常啦。
☕️餐飲包咖啡或茶，凍飲要加$3，都算合理。
整體嚟講，
食物質素唔錯，價錢、份量符合性價比，
最正係開支酒都係$180，
唔飲酒嘅話，都有好多其他可以打卡嘅mocktail，
環境舒服清幽，坐得幾舒服，聚餐就啱晒！😏
