一記 (Closed)

呢幾日喺長沙灣返工，完全唔熟架步，食晏唯有四圍貢，尋找隱世美食。尋日食完飯先經過『一記』，見到價錢好大眾代，又有住家feel,所以決定今日一試。十二點四十分左右到達，客人唔算多，無需等位就可以先點餐，付款後就搵位得食。我點選咗蝦醬豆卜五花腩-$30，再加個例湯(老黃瓜)$9，加埋先係$39咋！今時今日呢個價錢真係好難搵，而且味又又幾好，真係誠意推介，大家行開附近可以試下。