哥哥話佢嘅意粉好味，但見到佢有羊鞍，我又忍唔住想食羊鞍。最後當然我都係堅持自己所想，要咗份法式香草烤羊鞍。無乜羶味，只係有少少肥膏，羊鞍亦唔會烤得太乾身。
哥哥一家都分別叫咗唔同款式嘅意粉，鮮三文魚黑白意粉配芥末籽忌廉汁，這個意粉明顯上好 creamy，但難得亦唔會太漏，三文魚亦真係選用咗新鮮三文魚，夾起唔會鬆鬆散散嘅感覺。小魔怪都 KO 哂整碟意粉。
海鮮天使幼麵配龍蝦汁，魷魚、青口、鮮蝦再加埋龍蝦汁，海鮮都幾新鮮，青口亦唔係細細隻、容易食
辣茄茸鮮蝦巴馬火腿燴意粉，唔算太辣。就咁望都可以見到起碼有四隻蝦，隻蝦都幾大隻，亦好爽口
