Video
Read full review
2019-03-16
139 views
阿媽聽朋友講筲箕灣有一家高質嘅潮洲菜館，於是就決定同阿媽一齊去試下。原來間餐廳個位置就係平時返屋企都會經過，不過就冇留意到。七點幾到未算多人，不過過左陣就要等位，亦有外國人捧場。店內裝潢平實，主要賣食物嘅質素。因為得我同阿媽2個人食，所以都唔敢叫咁多，不過其實食物份量都幾大份，好彩我哋都食得哂！首先係一個鹵水墨魚，仲有豆腐喺底，墨魚好爽口，豆腐鹵得夠入味，點少少醋同辣油，正！跟住來嘅係蒜蓉牛油焗蜆，一上菜牛油味就撲鼻而來，好evil! d蜆好大隻，肉質鮮甜飽滿，蒜蓉令菜色變得惹味！送飯一流！最後仲有豆腐火腩煲，腩肉肥瘦適中，唔會太鹹，個種鹹香同枝竹豆腐好夾，分量真係好多！下次希望再來試下肉餅同其他煲仔菜！聽講d湯都好足料！
因為得我同阿媽2個人食，所以都唔敢叫咁多，不過其實食物份量都幾大份，好彩我哋都食得哂！
首先係一個鹵水墨魚，仲有豆腐喺底，墨魚好爽口，豆腐鹵得夠入味，點少少醋同辣油，正！
跟住來嘅係蒜蓉牛油焗蜆，一上菜牛油味就撲鼻而來，好evil! d蜆好大隻，肉質鮮甜飽滿，蒜蓉令菜色變得惹味！送飯一流！
最後仲有豆腐火腩煲，腩肉肥瘦適中，唔會太鹹，個種鹹香同枝竹豆腐好夾，分量真係好多！
下次希望再來試下肉餅同其他煲仔菜！聽講d湯都好足料！
Post
