The Steam Hut

石門商場好多野食，多到眼花撩亂。星期日男朋友話想食點心，而沙田區之前係新城市有間點心鋪，佢執埋之後以為冇晒專食點心嘅鋪（除咗酒樓）已經諗住要出旺角/太子搵食。點知google發現原來石門就有間！

老實講，本身對於良心鋪頭冇咩期望，好多都名過其實，點知呢間又幾有驚喜！點心種類雖然唔係好多，估唔到係佢啲份量咁多！燒賣蝦餃大大粒流沙包又真係好流！！仲有個蒜茸蒸蝦荷葉飯好香
我地仲叫咗個煎腸粉，佢係所有點心最先黎嘅，但食到最後仲係脆卜卜好香蝦味。
美中不足係個黑椒金錢肚，味通普通得黎都有啲貴。