同我想象既好唔同既感覺，裝修得好日本餐廳咁。最初我仲以為會好地茂，坐得好迫。但唔係啵，有精心佈置架喎，坐得幾舒服。望下個落單紙，咁花多眼亂既，啲字好細密代表選擇好夠多。最估唔到連香蕉船都有。見到忍唔住叫左。侍應話可以安排食完面先上既，所以可以放心叫。
主菜我叫左個牛頸脊湯面。再加一D小食。一睇碗面因為完全冇任可野。我反而鍾意咁樣，證明老闆對質素有信心。一試果然，塊肉真係好漱滑。
小食方面，特別要點名牛柏葉，好香辣，食完上癮，食牛柏葉黎送面可以喚醒味蕾。
最後黎個香蕉船埋尾，幫條脷降返溫。好滿足，估唔到可以俾車仔面店咁樣滿足法。
