咁我地兩個人就叫左三個餸，再加左兩個白飯，已經食到好飽
首先就叫左佢熱門既拔絲咕嚕肉，佢夾起黎真係可以拉絲，個皮脆脆地，好食，用黎送飯岩岩好
再黎就叫左一個紅燒乳鴿，覺得呢個乳鴿好抵食，$58一隻，但都冇馬虎。皮脆肉多汁，又入味，絕對係必試
果時見到其他人都有叫下次想再試埋皮片鴨
最後都係要叫番個菜，呢個欖菜肉崧四季豆都唔錯，豆唔會老，加埋欖菜同肉崧調味，食落都好送飯，岩晒平時唔鐘意食菜既朋友
最後呢餐兩個人食左$500幾，中菜館黎講有咁既質素真係一啲都唔貴，環境都幾好，下次再帶埋屋企人黎試
