First Love

呢間台灣食店座落係將軍澳海濱長廊旁，可以盡享海旁美景，提供室內及室外座位。餐廳裝修帶點文藝氣息，仲有書架等裝飾，而餐廳落單係使用QR Code。

台式紅燒牛肉麵
牛肉麵配有三小碟前菜，豆、雲耳同花生。牛肉份量唔少，大塊，湯底燉得好入味，濃郁。揀咗刀削麵，相對闊身，彈牙。

香酥排骨飯
同樣配有前菜，香酥排骨炸得好酥脆，食落唔油膩，調味出色，上枱時已切成細塊，方便進食，仲配埋千島醬。

戀戀蚵仔煎
煎得幾香，蚵仔嘅份量好多，而蛋就啱啱熟，食落啖啖飽滿。

鹵水溏心蛋
鹵水入味，半熟蛋正常水平，伴飯亦一流。

冷泡白桃烏龍
白桃味好突出，原來同烏龍本身嘅茶香味又幾夾，可一試。