茶木‧台式休閒餐廳 (黃埔天地)

Open Now

Now Closed

復活節最後一日假期， 當然作最後衝刺。 一個人的午餐，都要食得好，即使一個人都不能hea。求求其其，去茶木食啦！ 一個人真係易搵位， 門囗有一小堆人等位， 我㩒佐菲後， 3-4分鐘就入得啦！叫左個紅燒牛肉麵同水果茶， 紅燒牛肉麵都幾大碗， 麵底係刀削麵， 都幾彈牙幾有咬感， 湯底濃味帶少少辣， 配菜有白蘿蔔， 牛肉好大件， 有三大件， 仲有小小牛筋， 肉質幾嫩滑， 白蘿蔔同牛肉吸收曬湯底精華， 好入味。 總括嚟講呢個紅燒牛肉麵都幾好味。水果茶係用蠟燭點著保温的， 有鮮生果肉包括香橙， 青檸檬， 檸檬， 士多啤梨及菠蘿， 滿滿的維他命c， 好味又健康， 略嫌茶壺太小， 份量不足。係門口等個時見到個蛋糕櫃入面d蛋糕好吸引， 諗左一陣決定都要叫返件藍莓芝士蛋糕做甜品， 其實真係花多眼亂，款款都好想要， 鬼叫得一個人咩， 冇得試多幾個味。藍莓芝士蛋糕有粒粒的藍莓，唔會只係得藍莓jam , 個芝士蛋糕軟硬適中，成件食都唔覺太膩。