泰源大排檔

今日繼續我的外賣人生，沒有dine in 。叫咗個$58的乾炒牛河，$58 揚州炒飯 ，同埋京都骨98$。 一打開個飯盒，嘩嘩嘩！ 一定食唔曬！因為份量真係好多，直情可以用巨型來形容。 拎起手個飯盒係超重㗎，乾炒牛河應該係二人嘅份量，好似成座山咁， 乾炒牛河味道正常啦 ，不過有兩塊牛肉比較韌。 唔算油。 唔會食到成口油。揚州炒飯都正常，夠乾身，夠火候。京都骨真係要畀個讚佢啦 ，有好多菠蘿，多肉，唔多骨。正！叫了三樣東西，食唔曬，可以分兩日食。