金鳳大餐廳 (D2 Place TWO)

Open Now

Now Closed

荔枝角工廈附近開咗好多食肆，放工同埋同事過去睇吓，發現金鳳大餐廳 在D2 Place開咗分店，我哋好喜歡食懷舊扒餐，當然不會錯過立刻入座！座上客大部份都係食扒餐，可想而知味道和質素一定唔會差！扒餐可配黑椒或燒汁，加或不加蒜蓉。扒餐奉送是日餐湯忌廉湯和餐包。美式什扒餐配黑椒汁，有豬扒、牛扒、雞翼、香腸、火腿，用牛型鐵板上，熱騰騰份量十足，倒下黑椒汁時咋的一聲，香味四溢，熱氣迫人，就算是高高舉起餐巾，鐵板餐的魅力依然是無法抵擋，牛扒和豬扒超大件，肉質鮮嫩，雞翼嫩滑，配黑椒汁好惹味！香燒羊扒餐配黑椒汁：羊扒份量也不少，已經蓋滿牛型鐵板，羊扒肉質鮮嫩無膻味，黑椒汁味道香辣，十分惹味！雪糕紅豆冰：紅豆煲至細滑起沙，入口香甜，加上渾圓完整的雲呢拿雪糕，味道更香更甜！港式咖啡不太濃。