鹽焗奄仔蟹，encore左幾輪，每次質素唔同，有時有多羔，有時就臭！睇好唔好彩啦，但整體來說都唔錯，回本之選。
任食波士頓龍蝦，質素可比美自助餐，喜歡食既都抵食！
2
蒸鱔味道不錯，肉質就唔算彈牙
金翅花膠，食落啲汁有蛋黃味，幾香唔錯，花膠大大塊，食一塊會太飽
鵝肝多士，個多士超脆好食，鵝肝炸過極油膩，超肥之選呀！
1
海膽軍艦，又要另一回本之選，唔腥唔臭，食落少少甜
另外蒸海鮮有蟶子同蠔，蟶子略嫌無咩味，蠔就有驚喜！
乳鴿就望個樣都知咩事啦，見隔離枱個啲幾靚架，又係睇彩數！
總結黎講，幾樣海鮮任食絕對係回本之選，唔怪之得咁多人食啦
