Video
Read full review
2019-07-18
4259 views
一直都想試下呢間標榜用備長炭燒製鰻魚的日本過江龍餐廳 ，但次次去到都見門口要排隊所以放棄左。難得今日放工經過見到唔使排隊，就直接入去幫襯。餐廳主打炭燒鰻魚飯，有多種唔同食法比大家選擇。我地揀左最傳統的鰻魚重特上同埋鰻魚飯三食，可以加錢轉套餐試埋餐湯同漬物。鰻魚重 特上 ($158)之前食過坊間有啲鰻魚嘅燒烤味好重，燒得太過火令鰻魚味帶苦澀。不過呢到嘅鰻魚就無咁嘅問題啦，燒烤時間同火候控制恰當，鰻魚帶有陣陣炭燒香味，聞到都令人食指大動。吃了一口魚肉，肉質尚算嫩滑，加埋微甜的醬汁一齊食好開胃。鰻魚飯嘅份量非常足料，有成大半條鰻魚鋪喺飯面，加上落單個陣可以選擇多飯，望到已經流哂口水。鰻魚三食 ($88)對比起剛才一大片啖啖肉的鰻魚來說，呢個餐嘅鰻魚肉比較細碎，應該是方便稍後加入清湯作為茶漬飯食用。第一食是直接吃鰻魚飯，二食是加上青芥末，三食是在鰻魚飯澆上清湯變成茶漬飯。跟餐附上一壺熱湯，把部分鰻魚飯分到另一個空碗子裏，再加入清澈的湯汁，就成了熱辣辣的鰻魚茶漬飯。湯底味道清新唔油膩，只略帶咸味，所以沒有蓋過鰻魚飯本身的味道，加上飯粒已浸得軟腍易入口，三扒兩撥已把湯飯吃光了。餐廳鰻魚飯的價格親民
餐廳主打炭燒鰻魚飯，有多種唔同食法比大家選擇。我地揀左最傳統的鰻魚重特上同埋鰻魚飯三食，可以加錢轉套餐試埋餐湯同漬物。
鰻魚重 特上 ($158)
之前食過坊間有啲鰻魚嘅燒烤味好重，燒得太過火令鰻魚味帶苦澀。不過呢到嘅鰻魚就無咁嘅問題啦，燒烤時間同火候控制恰當，鰻魚帶有陣陣炭燒香味，聞到都令人食指大動。
吃了一口魚肉，肉質尚算嫩滑，加埋微甜的醬汁一齊食好開胃。鰻魚飯嘅份量非常足料，有成大半條鰻魚鋪喺飯面，加上落單個陣可以選擇多飯，望到已經流哂口水。
鰻魚三食 ($88)
對比起剛才一大片啖啖肉的鰻魚來說，呢個餐嘅鰻魚肉比較細碎，應該是方便稍後加入清湯作為茶漬飯食用。
第一食是直接吃鰻魚飯，二食是加上青芥末，三食是在鰻魚飯澆上清湯變成茶漬飯。
跟餐附上一壺熱湯，把部分鰻魚飯分到另一個空碗子裏，再加入清澈的湯汁，就成了熱辣辣的鰻魚茶漬飯。
湯底味道清新唔油膩，只略帶咸味，所以沒有蓋過鰻魚飯本身的味道，加上飯粒已浸得軟腍易入口，三扒兩撥已把湯飯吃光了。
餐廳鰻魚飯的價格親民，而且質素不錯，下次都會再嚟試下其他款式的鰻魚丼飯。
Post
