今晚又再去"新泰"食泰國菜, 第一次幫襯灣仔大王東街分店, 又再品嚐左餐令眾人讚口不絕嘅泰菜!
餐廳內裝修環境富有泰國style, 平日晚約7點多, 2樓已經坐滿食客, 可見餐廳人氣。
菜式選擇多, 一般普遍泰菜都有, 今晚就點左好幾個菜式share
【無骨鳳爪沙律】HK$68
冷盤無骨鳳爪連軟筋很爽脆, 整個沙律酸味味, 令人愈食愈開胃。
【鴨肉生菜包】HK$78
鴨肉碎keep到肉汁食落唔會太乾身, 跟泰式香料炒起, 辣辣地又香口, 新鮮生菜片包住食, 不但中和辣度, 更增添清新感。
【日本南瓜焗海鮮飯】HK$118
南瓜盅內放入了海鮮飯, 海鮮包括有爽口蝦球、魷魚、青口, 炒飯底, 飯粒粒粒分明,
南瓜汁加入左些少芝士, 個汁撈起後, 飯質變得濕潤, 配上口感好林嘅粒粒南瓜肉, 每啖都食到南瓜嘅清甜。
【原個椰青大菜糕】HK$68
大菜糕味道清甜, 同時又食到片片嘅爽脆椰青肉, 呢個甜品能體現出椰青嘅精髓, 正!
1
