馬六
係你啦!!!我搵到你啦!!!
佢呢度嘅肉骨茶有分白胡椒肉骨茶同巴生肉骨茶,兩種口味我都曾經試過,個人比較喜歡巴生肉骨茶,味道較為回甘較為濃郁,白胡椒肉骨茶就較清帶有一種好暖身嘅胡辣感!!!
呢度兩種口味都有齊曬任君選擇!!!
喺度睇餐牌食咩嘅時候我發覺呢個巴生肉骨茶配海南雞飯都只係82蚊,而淨係巴生肉骨茶配飯就72蚊,其實計起來配海南雞抵食好多,講緊多10蚊有海南雞喎!!!不過當日我真係冇咩胃口唔想浪費食物,飲啖熱湯先係我最終嘅目的!!!
呢度有免費清水提供飲用!!!
叫完嘢食之後啲嘢食好快就到喇,一上枱比我個感覺就係擺得好整齊,同碗肉骨茶嘅顏色好吸引!!!
碗肉骨茶好夠熱,一啖飲落去喉嚨同個胃都好舒服,真係好似有種解酒後縮醉嘅感覺!!!好舒服!!!
一碗大大碗份量十足,好足料下!!!
配既飯可選油飯同白飯,油飯都不需加錢,又幾好喎!!!
仲有油炸鬼,呢個食法好傳統令我諗起嗰陣時去旅行都係咁樣配送油炸鬼伴食!!!
呢碟醬油沾海南雞就一流啦,但係我冇海南雞嘅時候攞嚟配落個油飯度都好好味,味道甜甜地,既似蠔油亦似燒汁!!!
雖然我唔算得上叫好講求健康養生既人但我認為每一餐都必須要有啲蔬菜!!!炒咗碟通菜食,炒得好香又入味!!!
