今日我地就一行4人，預早左一日去打訂位，食19:30時段👅到餐廳既時候，其實都見食飯時間真係唔算多人，我諗平日呢個時段，都係around 7-8成入座率
燒肉部份分左5個level，第一個level就食到最少野，但都有54品，而我地今次就揀左level 3 😚呢個餐就有100品食物，牛肉方面，就係食「極上安格斯牛小排」，當中亦都包括左海鮮放題，有魷魚、大海老、廣島蠔等等。
一開始，店員會上一份9宮格，有D海解鮮同埋牛既部份，自己食完覺得好味就可以用QR Code繼續追加啦🤩
✍️牛肉方面，壺漬封門柳、牛舌、牛小排、特上肩胛翼板肉都係出色既，特別係壺漬封門柳👍之前食過唔同店既壺漬封門柳，都覺得夠牛柳真係搞唔掂，但呢間壺漬封門柳味道真係幾好，就算燒耐左d，都唔好會覺得好「老」! 牛舌就有厚薄之分，揀番自己想食既厚度就得啦👍
✍️海鮮方面，就覺得魷魚、大海老、同埋帆立貝都係出色之選。魷魚真係成隻手咁長，大海老都好鮮，encore左3-4次，d質素都maintain到，唔會有臭海鮮既出現👀
✍️熟食的話，就鍾意就係佢個芝士年糕同埋榴槤波波都好好食，用app落既熱食就真係應該昕點即炸，反而如果係外面有個熟食區既炸物就真係唔好預放好耐都重係脆啦。另外熟食區就重有飯、湯、小菜等等
✍️飲品就係有大約10幾種唔同既can drinks，重有部coffee machine比你自己慢慢斟。因為我地個餐本身無包酒精飲飲品，如果想飲酒，叫lv.4就有埋酒精架啦!
🌈整體黎講，我覺得呢個價錢同個質素都成正比，因為同區如果要食任食燒肉既店舖，overall質素都未必有呢間咁高
🔴 LV.1-3 係入座起計100分鐘 ; LV.4-5係入座起計120分鐘
🌟設有10%服務費
📍店名: 佐賀燒肉谷
📍地址: 屯門屯順街1號屯門市廣場1期3樓3229號舖
