鰻重 ($98)
鰻魚飯賣相吸引，鰻魚肉厚肥美無腥味，而且大份好有滿足感，甜甜地鰻魚汁濃令鰻魚肉好入味感覺好多汁，飯粒飽滿沾上鰻魚汁更食得滋味。
另外，可自行撒上少許山椒粉，增加多份香味，但山椒太搶不宜撒多，以免搶走鰻魚味。鰻重定食確係有質素價錢合理，所以次次來都總會點來食。
滑蛋吉列豬扒丼 ($98)
吉列豬扒炸得幾好，炸粉不厚，有外脆內嫩感，份量十足確抵食，豬扒已切成六塊食起上來方便，滑蛋好嫩滑鋪滿成碗，好有蛋味撈飯食好正。
輕量定食 (+$25)
和風湯清清地湯料有昆布金針菇，個人比較喜歡麵豉湯濃味，薯蓉食完唔覺有食。沙律用左柚子汁食起來開胃嫌份量較少。玉子卷大件質較實，做得一般而已。前菜定食做得不算出色，但加少少錢就有，叫下亦無妨。
