前菜 $0
好精緻, 下面係我最鍾意食既菠蘿, 上面係啲松子碎肉乾,微微既辣, 連埋一齊, 少少濃味, 又帶點清甜, 連埋上面塊葉一齊食都唔會苦。
清邁蕃茄蘸醬配香脆米餅 (素) $108
蕃茄有醃製, 味道咸咸酸酸, 幾開胃, 配埋脆米餅, 味道好泰國。
泰南式烤帶子 $158
超鍾意, 帶子爽口彈牙, 中間仲保留到少少生, 醬汁偏甜辣, 但都唔會蓋過哂帶子味道, 反而有帶出帶子既甜味, 底下既青瓜同菠蘿配埋一齊更好食, 口感更豐富。
綠咖哩配虎蝦 $248
賣相幾好, 虎蝦超大隻, 肉質結實彈牙, 青咖哩勁香, 超好配飯, 有少少少可惜係蝦頭汁有啲苦。
紅咖哩醬炒豬頸肉及泰國茄子 $258
惹味, 紅咖哩比綠咖哩辣少少, 應該有配合返香港人口味, 豬頸肉爽口, 唔會太瘦, 邊邊都有燒香, 最令我驚喜係泰國茄子, 好好食, 口感似脆玉瓜, 水份會再多啲, 真係勁好食。
芒果糯米飯 $118
唯一既甜品, 椰汁糯米飯夠香軟, 芒果雖然唔係最甜最多汁個種, 係比較偏清香, 我反而覺得更好食。
