今期嘅fusion餐單《秋季旬味》好有驚喜，將食材發揮得淋漓盡致👍🏻
前菜
🍣 間八薄切佐京都水菜
秋季時令嘅間八魚薄切片，配京都水菜清脆爽口。水菜帶淡淡甜味，間八魚鮮嫩入口清甜，簡單嘅組合突出秋季清新感，食落輕盈又開胃。
主食
🍲 火炙間八香草燒日本南瓜丼
丼飯上放上火炙間八魚片配上大量黑松露醬，魚肉非常鮮甜帶魚油香，黑松露醬嘅點綴完美演繹fusion菜嘅做法原來可以非常之夾；香草燒日本南瓜香甜層次感突出，跟碟傳統牛蒡醬油漬物，食落滋味又清新，秋天必試。
🍗 燒春雞伴日本南瓜
半隻春雞燒烤外脆內嫩，配日本南瓜甜香軟糯。雞肉汁多鮮美，南瓜用烤製後蒸煮嘅方式將甜味逼出，巧妙地用咗牛肝菌同肝菌醬汁作為dressing，並唔會過於濃郁搶去燒春雞嘅味道，簡單配搭食落舒服。
甜品
🍦 柚子雪葩無花果芭菲
芭菲層層疊加，柚子雪葩酸甜夠fresh，無花果軟滑帶果香，瑞可塔芝士濕潤綿密，淡淡奶味中和一切。顏色鮮艷，食落清新又健康。
☕ 楓糖乳酪奶蓋香橙伯爵茶
奶蓋幼滑甜香，配濃郁香橙伯爵茶，楓糖添秋意。混合後味道平衡啱晒解膩。
🍵 楓糖乳酪奶蓋蘋果生薑伯爵茶
以紅葉裝飾，奶蓋滑順，蘋果生薑伯爵茶暖身帶辣，生薑味熱飲更突出。秋天飲用舒服，甜辣合一好回味。
