黎左好多次嗌兩餸飯拎走，次次都頂爆個盒，成年男人食都飽到上心口。唔止份量多，餸亦多！（支竹魚柳有成8-10舊魚）而且未試過食到難食既餸，乾淨企理多選擇。
我好鐘意食炒蛋，中式炒蛋黎講，我覺得係高水平。炒咁大盤蛋，每次都係嫩滑有蛋香，師傅功不可沒啦！兩餸飯仲連埋例湯、或咖啡茶。例湯日日唔同，足料有湯渣無味精，咖啡茶係有驚喜，係好飲有奶香既港式。而家啲懶靚茶記，$60幾蚊迷你焗飯可以食唔飽，常餐既炒蛋變煎蛋皮。呢間平民兩餸飯店，我唔會話蔗渣嘅價錢食到龍蝦既味道，但味道、份量對得起個價錢有突，抵贊！仲未講，平時啲兩餸飯店嗌三餸飯，係每樣餸俾少啲你，份量又係一個盒。呢度聽到你嗌三餸飯，係即刻拎個吉盒同你裝餸。十分公道！性價比之選！
