老闆是潮州人, 潮州野其實食得不少, 不過比較傳統的潮物, 還是比較少見同少食, 九龍城的樂口福, 看門面已經知道佢有一番的歷史. 食物, 有未見過的荷包白鱔卷, 精緻的扎肉片魚, 同大路的鹵水鵝片及不容易做得好食的反沙芋.
首先來一個拚盤, 有蝦丸, 蟹餅, 海參凍, 仲有一個蔥頭卷, 蔥頭卷帶酸, 雖是開胃涼茶, 但不是我喜愛的類型. 香口的炸物是很多人的至愛, 包括本. 蝦丸, 蟹餅, 加不加醬汁隨意. 海參凍, 滿以為什麼凍什麼凍是外省菜, 原來廣東的潮州料理也有.
之後是一個蟠龍卷, 問一問上菜大叔, 呢個咩名堂. 大叔叫竹笙卷, 大家茅盾頓開之際, 南瓜走過黎, 介紹呢個係蟠龍卷, 用竹笙包著蝦餅, 食落清淡不滯.
荷包白鱔卷, 真真正正的未食過之物, 用咸菜, 包著肉碎及白鱔, 雖然覺得有點過咸. 但咸味沒有蓋過肥美的"鰻魚". 不過, 食開的潮州菜通常都偏淡, 原來傳統潮菜, 也有咸成咁既濃味出品.
扎肉片魚, 非常精緻的一個包包物體, 內裡是一片片滑滑的鮮魚肉. 皮有點像魚皮餃的皮, 咬落有汁有肉, 又精緻又好食.
潮菜中, 最廣為人知的, 離不開鹵水鵝. 潮江春的時常有機會食. 這裡的鹵水鵝比較肥美, 而潮江春的比較筋肉. 不過嫌這裡的鹵水汁偏咸, 是否陳年的鹵水汁呢,,,,如是咸也值得試.
魚麵, 唧唧多魚麵既廣告睇得多, 係有骨氣打邊爐亦食過一次. 今次是炒....望落有點像炒烏東. 不過, 始終喜歡放湯打邊爐咁食.
其實是晚最期待的, 是反沙芋. 反沙芋, 是很考功夫同很考食材的一道菜. 芋頭要嫩, 糖亦要控制得好好. 是晚的, 雖不是食過中既最好食, 但沙糖面夠粉, 夠脆, 芋頭亦夠嫩滑. 顧著與Winter, Chris 同 星爺品酌, 差一點冇得食.....
又是Party night 的一個晚上, 火兄伉儷將會回去加國, 以後大家相隔多個時區, 只能在網絡世界相見.....回來時, 記住最少一箱 Ice Wine!!!!!
