令我最接受唔到嘅係成間餐廳啲侍應嘅服務態度都好差,差到一個極點,揀咗晚市套餐,本身有飯同麵線兩個選擇,我揀咗麵線,落單嗰位小姐話佢哋餐廳冇賣麵線,請問貴 司根本冇賣嘅嘢點解要擺喺餐牌上面😅咁冇計只有白飯簡啦,侍應小姐仲好似有啲咩障礙咁重複咗三次問我白飯o唔ok,我就問返佢我有得唔ok咩,侍應小姐西口西面咁同我講唔ok可以唔要套餐,其實返工唔開心可以唔返😅但冇權利將脾氣發洩喺客人身上😅😅😅
最嬲係埋單嘅時候,我見唔到門口處有收銀地方,我坐喺外面,亦見唔到有任何指引係要行入收銀處埋單,我嗌咗三次埋單,有另一位侍應小姐黑口黑面企喺我枱前面禁電話,完全冇諗過理我,聽到都扮聽唔到,第四次我嗌得超級大聲先有另一個侍應呢話畀我聽要入去收銀處俾錢。
完全係畀錢買難受,因為朗豪坊依間分店我此生此世唔會再去任何茶木🤮
同埋如果返工真係返得咁唔開心可以辭職,但係唔好發洩喺客人身上
