雲貴川小鬍子 (譚公道)

Open Now

Now Closed

但求方便，周街搵食；最好就一泊即食，慳時間。本來諗住去返老地方，美善同道，但巧遇汽車駛走，眼見又有米線店，所以立即停低。舖外已有人在等外賣，店內已九成滿，十分艱難先至要搵到二人座。一入座後，侍應已送上手機點餐紙。點了腩肉，豬腸米線；另外熱拌薯粉，加蘿蔔及通菜。十分欣賞點餐可以加蔥，走油，用水煮麵，催向個人化選擇！米線先上，先嚐一口，立即體會點解間鋪咁多人，首先湯底夠熱，味道出眾，添加餸菜足料.另一碗熱拌薯粉，上桌時滿碗青蔥，薯粉彈牙，蘿蔔又稔且甜，可能在選單時揀了素食，所以味道未及湯麵濃味。整體而言，比預期好味！所以回頭指數高。