Read full review
2019-06-16
985 views
假日有時都會早少少起身，為左去食個Brunch，知道元朗一直有一間人氣高企既Cafe，每次經過都大排長龍，為左避開人龍，今日特登一早店舖開門就去到！環境位於元朗劇院附近，比較入既位置，Cafe又唔算好細，都有室外位置可以坐，地段比我既感覺旺中帶靜，幾休閒既感覺。餐牌價錢最平$68就有交易，中午想鋸扒，食澳洲西冷都係$118，每份Lunch Set都包餐湯及茶，價錢相宜。餐湯是日餐湯係忌廉湯，都幾濃稠，忌廉味夠。美式雞扒煙肉芝士漢堡配吉列炸蝦&咖哩粗薯條 $68賣相吸引，漢堡包頗為大個，麵包係用上有芝麻果款，不過麵包就略為易塌，而内裡既雞扒燒得好香，有啲似日式燒雞既味，肉質都幾嫩，煙肉有兩、三片，每啖都咬到肉，芝士就只放一片，漢堡包面積較大，得某啲位食到芝士，放多一片味道會更全面。而吉列炸蝦&咖哩粗薯條十分香口，咖哩粗薯條估計係灑上咖哩粉再炸，每條都微微金黃色，食落咖哩味唔重，但味道都不錯。香燒美國肯瓊香料豬肉眼扒配燒菠蘿&雜菜沙律 $88餐廳招牌之一，見好多人都會點呢款，好抵食，皆因$88食到咁大塊咁厚身既豬肉眼扒！接近1個硬幣既高度咁厚，表面燒既紋路不錯，入口都帶有焦香味，不過始終咁
環境
位於元朗劇院附近，比較入既位置，Cafe又唔算好細，都有室外位置可以坐，地段比我既感覺旺中帶靜，幾休閒既感覺。
餐牌
價錢最平$68就有交易，中午想鋸扒，食澳洲西冷都係$118，每份Lunch Set都包餐湯及茶，價錢相宜。
餐湯
是日餐湯係忌廉湯，都幾濃稠，忌廉味夠。美式雞扒煙肉芝士漢堡配吉列炸蝦&咖哩粗薯條 $68
美式雞扒煙肉芝士漢堡配吉列炸蝦&咖哩粗薯條
$68
41 views
0 likes
0 comments
賣相吸引，漢堡包頗為大個，麵包係用上有芝麻果款，不過麵包就略為易塌，而内裡既雞扒燒得好香，有啲似日式燒雞既味，肉質都幾嫩，煙肉有兩、三片，每啖都咬到肉，芝士就只放一片，漢堡包面積較大，得某啲位食到芝士，放多一片味道會更全面。而吉列炸蝦&咖哩粗薯條十分香口，咖哩粗薯條估計係灑上咖哩粉再炸，每條都微微金黃色，食落咖哩味唔重，但味道都不錯。
香燒美國肯瓊香料豬肉眼扒配燒菠蘿&雜菜沙律 $88
餐廳招牌之一，見好多人都會點呢款，好抵食，皆因$88食到咁大塊咁厚身既豬肉眼扒！接近1個硬幣既高度咁厚，表面燒既紋路不錯，入口都帶有焦香味，不過始終咁厚，燒既時間一定唔短，久之肉質就會偏乾偏韌，好難控制，呢塊都不乏有此問題。
(左)芒果多多冰 $48 及 (右)紅紅芝芝 $48(跟餐飲品半價 $24)
芒果多多冰及芝芝紅紅(跟餐半價各$24)
$48
26 views
1 likes
0 comments
芒果多多冰
芒果味較薄弱，但夏天飲都幾消暑。
紅紅芝芝
芝芝即係芝士奶蓋，不過分層做得不明顯，芝士奶蓋唔多，但都有鹹香味，紅紅即士多啤梨，似糖漿沖成，一開始飲覺得味道平平，但愈飲愈好飲，成杯飲哂~
總括而言，假日早上去Cafe嘆個Brunch加杯咖啡(今日太熱，飲左消暑類凍飲)，真係忙碌打工仔生活苦中一點甜，加上價錢唔貴，難怪小店如此受歡迎。
Post
