Burger Joys (君悅居)

人氣呢樣嘢，好簡單，喺疫情稍為緩和嘅時候，邊度出現人龍，就知大家有啲咩係好耐未食過又好想第一時間回味啦。今日我哋再次嚟到灣仔嘅Burger Joy，好彩一收工就嚟到，遲多幾分鐘已經大排長龍，究竟有咩吸引到我哋要嚟encore呢！

牛肉漢堡
叫得Burger店，又點可以無牛肉漢堡呢？呢度嘅漢堡用上USDA美國優質黑安格斯牛肉手打而成，好juicy！搭配番茄、蔬菜、酸菜同洋蔥，中和整體油膩感。

牛肉漢堡

魚柳漢堡
魚柳新鮮即炸，好香脆，入面嘅魚肉好嫩好滑。而喺Burger Joy食任何一款burger都要特別細味個包，佢個包係黃黃哋色，好香牛油味，細心位滿分。

魚柳漢堡

薯條
食薯條嘅薯仔味一定要夠香，加少少鹽吊一吊味，唔需要加茄汁已經好好味。

薯條

黑牛
食burger同薯條，又點少得另一靈魂人物：可樂！嚟到夏天，加個雪糕，成為黑牛，直頭係最完美選擇呀。

黑牛

（記住Like同Share畀朋友）