Read full review
2018-09-09
4578 views
Blue Monday 收工後就同朋友一齊去尖沙咀行街，行到入夜。我地本來想出返旺角食晚飯，但朋友又狂話肚餓，於是就係呢頭覓食 😋 尖沙咀真係有好多好吸引既餐廳，我都特登入過黎幾次，為既就係食餐豐富高質既午餐或者晚餐～我地行到去廣島過江龍之稱既「霸嗎拉麵」，見因爲早所以未有排長龍既情況，就即刻入去食拉麵！聽過咁多霸嗎拉麵既好評，但就未真係入去試過，今次一定要抓緊機會食返一次！😎過左冇耐大約7 點幾既時候，餐廳入面已經人山人海，坐到幾滿下，所以我都唔好意思影餐枱擺設，怕被拍者唔中意俾人放上黎，所以唯有快速地影下餐廳樓頂既環境～餐牌係以一本幾頁既小書作為藍本，囊括左各款特色拉麵、小食同飲品，仲有埋精美既插圖添，好照顧到顧客既需要 👍🏼呢張自選拉麵紙好清晰簡潔，先選麵既軟硬度、油既分量、走唔走蔥花同筍等等，有得自由配搭出自家口味 😋另外有一張點餐紙係專為期間限定既兩款拉麵而設既，我地都專程點左一碗檸檬豚肉拉麵試下 🍋🥓🍜每張枱既旁邊都放有調味架、筷子筒、牙籤同小碟。調味架上放滿多款調味料，包括七味粉、蒜粉同豉油等等，任君選擇。大家可以因應自己既需要同喜好加入適量既調味料，令食物既味道更上一層
我地行到去廣島過江龍之稱既「霸嗎拉麵」，見因爲早所以未有排長龍既情況，就即刻入去食拉麵！聽過咁多霸嗎拉麵既好評，但就未真係入去試過，今次一定要抓緊機會食返一次！😎
過左冇耐大約7 點幾既時候，餐廳入面已經人山人海，坐到幾滿下，所以我都唔好意思影餐枱擺設，怕被拍者唔中意俾人放上黎，所以唯有快速地影下餐廳樓頂既環境～
餐牌係以一本幾頁既小書作為藍本，囊括左各款特色拉麵、小食同飲品，仲有埋精美既插圖添，好照顧到顧客既需要 👍🏼
呢張自選拉麵紙好清晰簡潔，先選麵既軟硬度、油既分量、走唔走蔥花同筍等等，有得自由配搭出自家口味 😋
另外有一張點餐紙係專為期間限定既兩款拉麵而設既，我地都專程點左一碗檸檬豚肉拉麵試下 🍋🥓🍜
每張枱既旁邊都放有調味架、筷子筒、牙籤同小碟。調味架上放滿多款調味料，包括七味粉、蒜粉同豉油等等，任君選擇。
大家可以因應自己既需要同喜好加入適量既調味料，令食物既味道更上一層樓。
灸燒豚肉味玉拉麵 $88
拉麵既豚骨湯頭咸淡適中，而且比我平時食開既豚骨湯頭濃好多好多，非常入味～ 拉麵煙韌爽口，我揀左普通既硬度，軟硬適中 🍜 拉麵既質素好唔錯，我食到停唔到口～
灸燒豚肉份量亦都好足料，個片厚厚既豚肉係真係大過我隻手掌，厚度亦都好合心意🍖😍 由於豚肉係灸燒既過程中，脂肪部分既油分被逼出，所以大大減低左食客入口既油膩感，香滑惹味 😋
燒過既豚肉令湯頭帶有濃濃既香烤味道，再加埋溏心蛋、筍同埋其他配料，令到成個拉麵充滿多重味道，我地都好中意呢款別緻既拉麵。
檸檬豚肉拉麵 $78朋友比較中意試新口味，所以點左檸檬豚肉拉麵。我地都係第一次見到檸檬口味既拉麵 ，成個湯底都係偏黃色，上面放滿西蘭花🥦、木耳等等既配料，仲有一兩片檸檬🍋～
我因為好奇，所以都試左幾啖，估唔到味道唔錯，唔係檸檬汁個種單純既酸，而係好清新既檸檬香氣，令豚肉湯頭多左一點小清新，愈食愈過癮，大家不妨一試 🍋🍜
當日既晚餐係一個美好既體驗，食物味美不在話下，服務員既服務態度親切，令我地食得舒服～
Post
