安平燒肉

Open Now

Now Closed

好耐冇食呢間人氣台灣燒肉店 安平燒肉原來將軍澳Popcorn都開咗新分店環境舒適 座位好闊落 而且店員仲好友善！晚市燒肉吃到飽套餐分別有四款任飲任食120分鐘./ M5和牛餐 / $418總共有104款食品可以選擇 夠晒豐富仲有不停會轉換嘅期間限定食品添！套餐會額外送上每人兩件•嚴選牛舌芯入口軟嫩多汁 有嚼勁 高質！其他肉類方面就好推介澳洲M5和牛肩胛肉！牛味好濃厚 燒完之後鮮嫩多汁 油脂恰到好處.海鮮方面有大大隻爽彈虎蝦，鹽蒜燒生蠔，燒帆立貝，屏東燒魚腹，美乃滋章魚燒，絲瓜煮蜆，烤魚乾等等等等。我自己就最鍾意屏東燒魚腹，魚肉非常嫩滑，滿滿嘅魚油脂香！小吃方面有南部章魚卷，安平松露卷，士林小香腸，台灣小枕頭，奶油金菇，起司鵪鶉蛋。自助區都有好多選擇！可自製台式滷水飯，十多款新鮮蔬菜，少量涼菜選擇，真係好豐富。飲品方面，出邊有飲品櫃可以自己攞嚟飲，或者落單都有四款手調台式飲品。